مين العريس ...فين العروسة؟؟؟

مين العريس......فين العروسة..

النهاردة فى الميدان...
والكل بحبك هيمان....
والمصرى بيهتف بإيمان....
ثوار أحرار هنكمل المشوار...
والكل مستنى...
الرئيس المتهنى...
رئيسك يا أمى....
بعد غياب وعذاب...
وبعد جهاد ونضال....
وبعد بنونة ومينا دانيال....
جالك عريسك ...
جالك بصوت سكانك....
جالك بفستانك....
الى غزله بناتك...
والى دفع مهرك...
هما ولادك..
بدم بريحة الجنة...
بجرح بريحة المسك..
بعنيهم .....بإيديهم
بدموعهم ....بعرقهم
وقف الرئيس فى الميدان...
خاطب الوجدان.....
حيا ترابك ....
وعظم ولادك....
فتح صدره ....
لاخاف من رصاص...
ولا كان جبان ....
وإحتمى بربه.....
ولبس توب شعبه....
توب يحميه....
فى البرد يدفيه....
ومن الغدر يكفيه....
مين العريس....فين العروسة
إحكى وقول ياميدان....
من عهد ناصر نسيت الكلام....
وقف مرسى وقال...
السلطة للميدان....
والشرعية للمواطن الغلبان...
 مصر للمصريين...
وحيا الفنان..
وعينة على السايح الهربان...
دولة القانون قالها...
مدنية دستورية مسارها...
منارة كبارة وسط القارة..
وقف للشهيد تحية...
وفرقبتة حط المسؤلية ...
دمك ياشهيد أمانة....
وعينك ياحرارة إدانة..
مين العريس ....فين العروسة
وحلف اليمين...
قدام الملايين....
والشاهد رب العالمين....
وبإيده بعد حرسه...
وجمهوره سمع نفسه...
وقال حبك فريضة...
حبك للرحمان عبادة...
حبك فى الجنة وسادة...
وكرامتك يا أما منصانة..
وعمرك ماهتبقى منهانة..
رسالتنا حب رسالتنا سلام...
بس عمرنا ما هنرضى بالطغيان ...
وختم كلامه....
بقوتنا فوحدتنا .....
وبحب ومحبة ...
هنبنى بلادنا ونعمل لأحفادنا....

دى العروسة مصر ..والعريس شهيدها 

 بقلم مواطن مصرى
د عاطف عتمان