إلغاء خانة الدين من البطاقة حل أم هروب

خانة الدين في البطاقة 

طيب ما أنا لو لغوا خانة الديانة بعد الإسم هبص على الإيد أعرفة مسيحي ولا مسلم!
المطلوب أقبل المسيحي كمسيحي والمسيحي يقبلني كمسلم والدولة تعتمد على المواطنة.
أنا مشكلتي أعلم و أعالج وأشعل الولاد.
الثقافة والوعي والقيم الإنسانية والمواطنة هي الطريق.

أنا مش ضد إزالة خانة الديانة.. أنا ضد إن الجعان مشغول هيحلي جاتوه ولا بسبوسة وهو عاوز بق ميه ولقمة غايبة!
ضد مظاهر لا تغير الواقع ولا تهتم بالعمق.
ضد تجاهل المرض والاكتفاء بتجميل الديفوهات بمساحيق تجميل مع شوية عرق نتيجة سخونة طائفية يظهر القبح.

وأنا بدي حقنة للطفل أبانوب مش عاوز بطاقته ومش بعامله إنه مسيحي ولا كعميل عاوز أكسب رضاه، أنا بعامله إنه إبني لأن أبوه وأمه إخواتي، لأن ربنا كرم أبانوب وأبوه وأمه وهما زي ما هما لما كرم بني آدم، لأننا جميعا أولاد آدم ودي قيمي وقناعاتي الإنسانية وفهمي الديني، وأمه ماسكاه بتقول باسم الصليب وأنا بقول باسم الله الشافي، ولو فلوسها مكملتش زيها زي أم محمود.
دا مش قانون لكن دا تديني ودي قيمي الإنسانية وحقوق الإخوة لآدم.

صوت الإله

هو فيه حاجة اسمها دا موضوع منتهي ومفيش فيه كلام!
طيب هو عشان منتهي عندك لازم يبقى منتهي عندي!
طيب إنت فهمته وانتهيت إلى كلامك أنه منتهي ولا استلمته منتهي وعاوز تسلمه زي ما استلمته! 
طيب ما أنت اتكلمت وقلت منتهي ليه تحرمني حقي أتكلم ويبقى الموضوع كلامي قصاد كلامك!
&& إنت مين أنت أنا كلامي كلام ربنا!
رفعت الأقلام وتظل المشكلة صراع المتكلمين باسم الإله مع بعضهم البعض ويظل السؤال من منهم صوت الإله ؟! 

نبسط السؤال

الشيخ الشعراوي محبوب الجماهير ولا الشيخ عمر عبدالرحمن زعيم الجهاد ولا الشيخ سيد قطب ولا الدكتور عبدالرحمن البر أستاذ الحديث ولا الشيخ علي جمعة المحسوب على الصوفية ولا الشيخ أحمد الخليلي مفتي الإباضية ولا آيات الله من أقصى اليمين لأقصى اليسار، من منهم صوت الإله وجميع من سبق يؤمنون بالقرآن الكريم والسنة وإن اختلفت عندهم طرق إثبات صحة الروايات.

هؤلاء بينهم اختلافات كبيرة تصل حد تكفير البعض للبعض فمن منهم صوت الإله؟!

أحكم الحكم

اعلم أن الدنيا ثلاثة أيام، فأمس عظة وشاهد عدل، فجعك بنفسه وأبقى لك وعليك حكمته، واليوم غنيمة، وصديق أتاك ولم تأته، طالت عليك غيبته وستسرع عنك رحلته، وغد لا تدري من أهله، وسيأتيك إن وجدك.

أكثم بن صيفي.