كانت النكسة وبقت وكسة ..بقلم د عاطف عتمان

فى يونيو 67....       
غابت الشمس...
طالت الغيبة...
وكان العياط على الخيبة..
نكسة..
و وكسة...
إحكى كمان وقول..
طااااال الليل...
غااااااب الفجر...
زاد الفجر....
كان الهجر....
كانت النكسة..
كانت وكسة....
*******
العرب متهات متهات..
والجيوش خرابات ..خربات..
والزعيق والنهيق...
الهتاف والنباح...
والحق تاه وراح..
والحقيقة فين ومن أين؟...
كانت النكسة ..
وكانت الوكسة..
عدو لئيم...
الغدر من طبعه..
عدو خسيس ..
والخسة من دمه..
وضاعت سينا
ضاعت من بين أيادينا ...
وضاعت الجولان..
آآآآآه يا عرب...
آآآآه يا مسلمين ..
القدس  أسير ..
آه من الهتيفه..
آه من الهليبة..
وبعد الكدب..
وزيف النصر..
شربت المر..
شربت الصعب..
شربت الذل ..
والحقيقة المرة..
وكانت النكسة..
وكانت الوكسة؟..
الإمام لما عرف..
سجد سجدة ..
سجدة بتحكى سبب الوكسة..
سجدة للرحمن
إنه فوقنا من الهزيان..
آآآه يا شهر يونيو..
هوأنت مكتوب على الجبين.
*********.
وفى يونيو 2012
سكووووووت
حكمت المحكمة..
نكسة سميها ..يا تسميها وكسة..
سكت القاضى دهرا ..
سكت القاضى قهرا...
نطق القاضى كفرا..
آآآآه ياشهيد..
آآآآه ياأم الشهيد..
حكمت المحكمة ببراءة الجلاد...
وإدانة المجلود..
ببراءة الظالم..
وجناية المظلوم..
حكمت المحكمة والظالم بقى مظلوم..
والدم بقى مهدور ...
والحق بقى مجهول ....
وآآآآه يا شهر يونيو....
نكسة قول..
وكسة قول..
وسجدت للرحمن ..
سجدة شكر وعرفان...
للحكم إلى فوقفنا...
فوقنا من الهزيان ...
*************
وفى يونيو 2013
إيه حكايتك يا عم يونيو
الجو حر والأرض عطشانة 
الزرع إشتكى والطفل بكى 
والكهربا بقت أحلام....
والعدو اللئيم الغدار
لف ودار ..
ودارت الأيام ..
وكانت وكسة ..وكانت نكسة 
السد بيتبنى والنهضة بتهدنى 
والعطش بيهزنى 
وفينك يا مصر ...
فينكم يا مصريين ...
على إيه مشغولين وليه متخانقين
لا هيبقى فيه كرسى...
 ولا على البر هترسى 
هيرودت قالها من زمان
مصر هبة النيل 
يا خوفى من إلى جاى 
يروح النيل وتفضل هبة 
لمين ولا لمين هتكون 
وعلى إيد مين هتهون ؟
وفى زمن النهضة 
وسد النهضة 
قول يازمان وإحكى يا تاريخ
إيه حكايتك يا عم يونيو ..؟؟
وكانت نكسة وبقت وكسة.....

           د عاطف عتمان