.........................................................................
ليلة بكى فيها الفانوس
جاى من هناك ياقمر ترقص تقول وحوي
أنا حاسه بيك مدبوح
ناقص تقول عجبي
فى الغربه مين علمك
تنطق هناك عربي
شايله عيونك لنا
نظرة ألم وعتاب
مش بس نورك غريب
احنا كمان أغراب
ليه سبنا روحك تغيب
وتتوه ماترجعشي
ترجع لنا بالجسد
أعمى مابتشوفشي
يمكن نسيت شكلنا
ولا فاكر الحارات
مش فاهم اللي جاى
ولا عارف اللي فات
الأصل تاه مننا
وتهنا فى الحوارات
كل اللي باقي لنا
منك يادوب حكايات
عن غنوه من أرضنا
وشمعه من صنعنا
ورسوم على البنُّور
عتمه وقلبك حزين
وانت بتطرح نوور
إزاى بقى نعرفك
وتحس بيك العين ؟!
.........................
ليست هناك تعليقات: