هرمون الحب واللمة الحلوة

الأوكسيتوسين.. أو زي ما بنقول عليه كده بلغتنا سر القعدة الحلوة والدفا

كتير مننا بيسمع عن الأوكسيتوسين أو هرمون الحب والترابط.

الهرمون ده مش سحر هيخليك تحب حد فجأة، بس هو السر اللي بيزود الأمان، الثقة، والراحة مع الناس القريبة من قلبك.

لو عايز تعلي الهرمون ده في جسمك بشكل طبيعي وتبطّق بيه يومك، يدوب هتعمل حاجات بسيطة بنعملها في يومنا العادي.. زي إيه؟

  اللمة الجدعة والصحبة الحلوة دستة صحاب

  فضفض وعبر عن حبك.. قول لصاحبك أو شريك حياتك إنك بتحبه وبتعزه، الكلمة الحلوة بتفرق وبتفتح النفس.

  اسمع من قلبك.. لما حد يفضفضلك، سيب الموبايل وركز معاه واسمعه بجد، الحركة دي بتبني ثقة في ثواني.

اخرجوا واعملوا حاجة جديدة.. اللمة مع الصحاب وقضاء وقت حلو بتزود الارتباط، بالذات لو بتجربوا مكان جديد سوا.

. الدفا والتواصل الجسدي الطبطبة بتداوي

حضن طويل وصادق.. حضن دافي من حد بتحبه كفيل يغير مودك ويفرز الهرمون ده في ثانية.

دا هرمون الأحضان يا برنس.

مساج سريع.. 15 دقيقة مساج (حتى لو من شريك حياتك) بتهدي الأعصاب وبتعلي الأوكسيتوسين للطرفين.

العلاقة الحميمة إلى بحب وتناغم بتعزز القرب وبترفع الهرمون لأعلى مستوياته.

. حاجات بسيطة في يومك تفرق في كيميا جسمك

افصل باليوغا أو التأمل.

ركز تفكيرك في ناس بتحبهم واتمنالهم الخير، ده بيصفي روحك وبيشحن جسمك طاقة إيجابية.

شغل مزيكتك المفضلة

اسمع، غني، أو دندن مع الأغاني اللي بتحبها، المزيكا بتعدل الكيميا في دماغك.

كلوا لقمة سوا

شارك صحابك أو أهلك في طبخ وجبة وكلوها سوا.. العيش والملح له مفعول السحر فعلاً. بانية ومكرونة تجمعنا ولا خليها رز وبطاطس عشان الطيبات !

جبر الخواطر

ساعد جارك، اتبرع بحاجة بسيطة، أو اعمل أي خير عفوياً. فرحة غيرك هترد في قلبك أنت الأول.

العب مع أليفك

لو عندك قطة أو كلب في البيت، طبطب عليه والعب معاه؛ الحركة دي بترفع الهرمون عندك وعنده في نفس الوقت.

من الآخر..

الأوكسيتوسين مش محتاج روشتة علاج، محتاج بس شوية تواصل حقيقي، طاقة حب، وطبطبة من القلب.

جرب النهاردة تعمل حاجة من دول وشوف يومك هيختلف إزاي!

​ د. عاطف عتمان | هوليستك كوتش ومرشد المعنى والاتزان الشعوري.
نساعدك في رحلتك نحو الوعي الذاتي، الشفاء من الداخل، والتعافي من آثار الصدمات.
ممارس معتمد لتقنيات PEAT لتحرير المشاعر السلبية وإستعادة الاتزان.
"التعافي يبدأ عندما نمنح أنفسنا مساحة للفهم والقبول."
‏مراسلة Dr Atef Etman عبر واتساب. https://wa.me/message/R42YYQMP2RC6I1

هذا المحتوى لأغراض تثقيفية، ولا يُغني عن استشارة المختص.