لغة القلوب.. رحلة في التواصل الرحيم مع هيفين - 0- النية الرحيمة

{هيفين هو اسم زرافتي في واحة الأريام وتعني الملجأ، الملاذ الآمن، أو المأوى.

ويرمز إلى المكان الهادئ الذي يلجأ إليه الإنسان للراحة والابتعاد عن المخاطر.}

عمرك سألت نفسك: هو إحنا ليه أول ما بندخل في نقاش أو مشكلة، بنتحول فجأة لـ وضع الدفاع أوالهجوم؟

السبب ببساطة إن دماغنا بياخد إشارة خطر تلقائية، فيشغل رد الفعل السريع عشان يحمينا.

بس النتيجة غالباً بتكون زعل وبعد مسافات.

طيب إيه الحل؟

السحر كله في  كلمتين وهما النية الرحيمة.

النية الرحيمة مش مجرد فكرة طيبة خطرت على بالك، دي خطة عمل متكاملة بتغير مسارات دماغك في ثواني.

بص يا سبدي..

لما بتقرر تدير الحوار بنية الوصل والفهم مش بنية الانتصار والدفاع، تلت مناطق في مخك بيشتغلوا مع بعض كأنهم أوركسترا

منطقة المعنى (mPFC) بتفكرك بالسؤال المهم هو أنا بعمل كده ليه؟

.. عشان بحب الشخص ده وعايز مصلحتنا، مش عشان أطلع أنا اللي صح.

منطقة الحضور (dlPFC) دي بتخليك صاحي ومركز في نبرة صوتك، وكلامك، ولغة جسمك.. يعني بتظبط الـ كيف.. هعمل دا إزاي .

الحارس الذكي (ACC) ده بقى الرادار اللي أول ما يلمحك بدأت تتعصب أو تحتد، يشد فرامل ويفكرك ويقولك استنى.. مش دي النية اللي اتفقنا عليها، ارجع للهدوء.

من الآخر لما تدّي نفسك ثانية واحدة تنفس قبل ما تِرد، أنت بتنقل قيادة حياتك من الخوف والدفاع لـ الحكمة والرحمة.

جرب النهاردة قبل أي مكاملة أو جلسة مهمة، خد نفس.. واقصد الوصل.. وشوف الفرق!

الحضور والنية وجهازك العصبي حكاية تستحق

​
د. عاطف عتمان | هوليستك كوتش ومرشد المعنى والاتزان الشعوري
نساعدك في رحلتك نحو الوعي الذاتي والتعافي من آثار الصدمات.
ممارس معتمد لتقنيات PEAT لتحرير المشاعر السلبية واستعادة الاتزان.
"التعافي يبدأ عندما نفهم ما نحمله في داخلنا، ونتعامل معه بوعي ورحمة."
‏مراسلة Dr Atef Etman عبر واتساب. https://wa.me/message/R42YYQMP2RC6I1