ألم الأذى.. وحرية الغفران

من رسالة

مش قادرة أسامح.. أعمل دا إزاي؟!

______

عادي جدا متغصبيش على نفسك..

سيبي الباب موارب واحترمي عامل الوقت...

كفاية إنك تعرفي إن المسامحة هي لنفسك أولا وأخيرا وإنك المستفيدة منها...فالمسامحة هدية لقلبك إنتي

المسامحة مش تنازل عن الحق دي تحرر من الغضب

تقبلي إنك مش قادرة تسامحي.. أنا قعدت سنين عشان أقدر أسامح شخص ما من شدة الأذي أو ما أظنه أذى وكمان الخوف من تكراره..

المشاعر مش قطر سكة حديد ماشي بمواعيد زمنية.. ادي مشاعرك وقتها وإقبليها.

يمكن لو كنت لقيت حد يساعدني كنت استغرقت وقت أقل لكن في النهاية كل حاجة لها معادها.

لحد النهاردة أنا ممكن أسامح في حاجات وممكن مقدرش أسامح في حاجات تانية وبشتغل عليها واديها وقتها

أهم وأول خطوة تغفري لنفسك .. ربنا بيحبنا قوي مهما كانت حالتنا وجينا هنا عشان نتعلم.. نقع ونقوم ونغلط ونصحح.. جينا عشان نغلط.. جينا عشان نغلط

​ د. عاطف عتمان | هوليستك كوتش| مرشد المعنى والاتزان الشعوري