فخ الفهم العقلي!
ممكن تقرأ 100 كتاب عن التعافي النفسي، وتحلل صدماتك سنين طويلة، وتبقى فاهم نفسك كويس جدًا...
لكن كل ده ما يحرركش من وجع واحد متخزن جوه جسمك. 
مرة كان عندي عميل اسمه عمر، قال لي بثقة:
"يا دكتور، أنا عارف كل حاجة عن مشاكلي. قريت كتب كتير في علم النفس، وفهمت إن جلد الذات والقلق عندي بسبب تربية أمي الصارمة والمقارنات المستمرة."
كان بيتكلم بذكاء شديد، وبيحلل حياته كأنه بيحكي قصة حد تاني.
فسألته: طيب بما إنك فاهم كل ده... إيه اللي جابك هنا؟
سكت شوية، وبعدها قال:
"عشان الوجع لسه موجود... والخنقة لسه موجودة... ومفيش حاجة اتغيرت."
هنا كانت النقطة المهمة جدًا.
الفهم شيء...
والتحرر شيء تاني خالص.
العقل بيشرح ويفسر ويربط الأحداث ببعضها.
لكن المشاعر المحبوسة جوه الجهاز العصبي مش بتتحرر بالكلام والتحليل بس.
طلبت منه يسيب الشرح شوية، ويركز على اللي حاسس بيه دلوقتي في جسمه.
في الأول عقله حاول يرجع للتحليل كعادته.
لكن مع الوقت بدأ يحس بدل ما يفسر.
بدأ يلاحظ الألم في جسمه...
يسمح للمشاعر إنها تظهر...
من غير مقاومة...ومن غير شرح.
وفجأة...
أخذ نفسًا عميقًا جدًا 
وساب زفرة طويلة كأنها خارجة من سنين طويلة .
بعدها بص لي وقال:
"أنا حاسس إني أخف لأول مرة... دلوقتي بس فهمت يعني إيه تعافي."
الكثير من الناس بيقعوا في فخ اسمه:
"الانفصال الفكري" (Intellectualization)
وهي آلية دفاعية بيستخدمها العقل عشان يبعدنا عن الإحساس بالألم.
فنفضل نفكر في مشاعرنا...بدل ما نشعر بيها.
ونفضل نشرح الصدمة...بدل ما نحررها.
تمرين بسيط:
لما تلاقي نفسك غرقان في التفكير والتحليل:
"أنا كده عشان حصل لي كذا..."
قف لحظة.
واسأل نفسك:
"الإحساس ده موجود فين في جسمي دلوقتي؟"
في صدرك؟
في معدتك؟
في حلقك؟
ركز مع الإحساس نفسه.
وخد تنفسا بطنيا هادئا وعميقا لمدة 5 دقائق. 
من غير ما تحاول تغيره أو تهرب منه.
لاحظ النتيجة 
أحيانًا الجسد بيعرف طريق الشفاء قبل العقل.
الفهم مهم...لكن الفهم وحده لا يكفي.
التحرر الحقيقي يبدأ عندما تتوقف عن شرح الألم...
وتبدأ في الشعور به واحتوائه والسماح له أن يتحرك ويخرج.
د. عاطف عتمان
هوليستك كوتش | مرشد المعنى والاتزان الشعوري
استشارات نفسية
التعافي من آثار الصدمات
ممارس معتمد لتقنيات PEAT
واتساب: 01006809464
هذا المحتوى للتثقيف والتوعية، ولا يُغني عن استشارة مختص.
ليست هناك تعليقات: