صراخ ورا قناع الهدوء
ممكن تنفجر غضب بسبب كباية مية اتكبت بالغلط…بس الحقيقة إن السبب مش الكباية.
السبب الحقيقي مشاعر قديمة متكومة جواك من سنين.
سارة كانت معروفة وسط أصحابها إنها هادية جدًا وعاقلة.
الكل بيشوفها متماسكة طول الوقت.
لكن فجأة بقت عصبية، سريعة الاستفزاز، وبتدخل في نوبات خوف وقلق من غير سبب واضح.
وكان السؤال اللي بيوجعها.. هو أنا بقيت مجنونة؟!
أنا عمري ما كنت كده…
لما بدأنا نبص تحت السطح، اكتشفنا إن المشكلة مش في ردود فعلها الحالية…
المشكلة كانت في جرح قديم لسه عايش جواها.
طلبت منها توصف الخوف اللي حاساه في جسمها.
وفجأة افتكرت موقف من طفولتها…اتعرضت فيه لنقد جارح قدام العيلة كلها.
يومها كتمت دموعها، ولبست قناع البنت الهادية المثالية الي اتبرمجت إنها عيب تغضب .
استخدمنا تقنيات PEAT علشان نفتح باب التواصل مع العقل الباطن.
لأن العقل الباطن ما يعرفش الزمن…هو بيحتفظ بالمشاعر كأنها بتحصل دلوقتي.
ولما سمحت لنفسها تحس بالخوف القديم من غير هروب أو مقاومة…الشحنة المشاعرية بدأت تفك.
تنفست براحة وابتسمت لأول مرة من قلبها.
الغضب المفاجئ اختفى بالتدريج…لأن الجرح الأصلي أخيرًا أخد حقه من الاعتراف والاحتواء.
يا رفيقي في رحلة التشافي والعودة إلى الذات..
أعراضك الحالية مش دليل إن فيك حاجة غلط.
أوقات كتير بتكون رسائل ذكية من النفس…بتقولك في وجع قديم محتاج يتشاف ويتعالج.
أبحاث جابور ماتيه حول الكبت المشاعري والأمراض النفس جسدية بتوضح إن كبت المشاعر لفترات طويلة، خصوصًا في الطفولة، ممكن يخلّي الإنسان يبالغ في ردود فعله بعد كده تجاه مواقف صغيرة جدًا.
د. عاطف عتمان
هوليستك كوتش |مرشد المعنى والاتزان الشعوري
واتساب:01006809464
ليست هناك تعليقات: