كن كطفل ساذج الأسئلة في البحث

 
بص يا سيدي 
معدش فيه عذر لحد في ظل توفر مناظير الرؤية لحد ما صورنا المجرات
عاوز تقول ايه؟!

عاوز أقول زي ما بتنزل تلف على المحلات والأسواق وتشوف التوكيلات وتسأل عن شهادة المنشأ والضمان وتحلل وتقارن الجودة والأسعار عشان تجيب موبيل، وتشوفله اسكرينه وجراب ومهتم بالتحديثات والسوفت وير، ومكلف نفسك مناديل معطرة عشان تنضف الشاشة وتمسح الكاميرا كل ساعتين عشان السيلفي يطلع حلو. 
ركز ...
دماغك وأفكارك ومشاعرك وتدينك ومصيرك مش أقل من الموبايل عشان تهتم بيهم وتهتم بأي حاجة تستقبلها وبتأثر عليهم، لازم تعرف الجودة والمنشأ وآخر نسخة تحديث  ومين شهاداته مضروبة ومين جودته عليا، ايه بيسممك ويظلم قلبك ويسكر عقلك ويفسد فطرتك وإيه بيحررك وينورك وتأنس به فطرتك. 

خلي بالك وإنت بتدور حدد بتدور على إيه واعرف انت فين وعند مين.

 كن كطفل ساذج الأسئلة في البحث، فاطلب المعلومة من مصادر مختلفة ومتنوعة وفرق بينها وبين رأي ناقلها. 

اسمع جيدا وخاصة لمن لم تسمع واقرأ بعمق وخاصة لمن لم تقرأ وتأمل وحلل وقارن واعقل واجعل لقلبك صوت مسموع، فلو أجمع الأولون والأخرون على ما لا يرتاح إليه قلبك، فإجماعهم يلزمهم ولا يلزمك. 

نظف عدسات رؤيتك، نضف الفلاتر. 

كن عليما حكيما سميعا بصيرا قادرا ودودا حليما، فأنت خليفة الله في أرضه. 

أما لو حابب تفضل كالحمار تحمل ما لا تعي، فأنت وشأنك وينتهي الأمر بالنصيحة أن تعيش إنسان.

اقرأ على واحة الأريام

النسخ المختلفة لي عبر الرحلة

أطعموا الطعام وأطلقوا البخور ودعوا الناي يغني.

إن للناس أكواخًا من عقائدهم، فلا تهدموها عليهم

سفر الأريام....فلنلتقي خارج الزجاج

وفي نهاية رمضان أشهدك أن الحب ديني ومذهبي

جميع الحقوق محفوظة لــ واحة الأريام