أنا مش إرهابي
أنا بتاع نسوان وإدارجي
سكير وحلانجي
خدام الباشا والدفيع بالبلدي
بصلي الفرض بفرضه
وف رمضان بسيبها وبتعدي
يا حلاوتي على المنبر
وأنا بخطب بأهذي وبهدي
سميع فييس هجاص سكران
بحشيش بس وحياتك عندي
أقبض وأشرب وبعد العكمة
بستغفر ربي وبتوب وبصلي
فحالي عالطول ولا شاغل بالي
ايكش تولع
خليني فبطني وف همي
صاحب مبدأ
بطبل وأرقص وبغني
مخلص لجوز أمي وبقوله يا عمي
وطني كبير قوي ميغركشي
وطني فبطني
كافي خيري شري
سيبني فحالي وحياتك
أبعد عني
لا تقولي فساد ولا دياوله
ولا رغي كتير يتعب عقلي
حصالتي عامت واتخرمت
عوموا تحويشة عمري
بذمتك أنا كده مش وطني
عايش لنفسي وفحالي
وسايب للكبار أوطاني
اوعاك فيوم تقول إرهابي
أنا طول عمري مخلص
هتيف أصلي وحلانجي
ليست هناك تعليقات: