عل المصطبه .......والذكريات
وسط البنين... وسط والبنات
وسط القلوب........... الطيبه
قاعد عجوز ......عل المصطبه
وجنبه.......... زوجته الطيبه
بتفكره ...............بالذكريات
وتكلمه......... عن اللى فات
الحلو منها .............والآهات
والكل يسمع ......من سُكات
والصحبه تحلى عل المصطبه
احكى وقولى ......يا مصطبه
احكى وقولى..... ع اللى كان
فكرينا يا مصطبه.....بأيام زمان
احكى وقولى ........عل الأمان
وعرفى............ كل اللى خان
هما مين أهلنا .......بتوع زمان
ناس قلوبها .................طيبه
احكى وقولى .........يا مصطبه
احكى عن............ الابن وأبوه
احكى عن............ الاخ وأخوه
عقول ولادنا ..............اتبدلت
وقلوب ولادنا ............اتحجرت
ما عددش ...........تانى طيبه
احكى وقولى........ يا مصطبه
أصل الحكاوى.............. قريبه
احكى ع اللى...... لابس قناع
احكى عن الحق.... اللى ضاع
احكى عن .........زمن الخداع
احكى عن اللى خان.....و باع
واحكى ع البطل ......الشجاع
احكى وقولى........يا مصطبه
رضا أبو الغيط
ليست هناك تعليقات: