شمس الحرية تنشر ...كل سنه وانتم طيبين يا مصريين ..!!

كل سنه وانتم طيبين يا مصريين ..!!
                                          بقلم معلم فحمة 

لفوا الحوارى
تلتقونى .. ساعات
على القهاوى .. أشوفكم
محبوسة .. 
و مع كل طاولة .. قشاط
أبيض وجنبه أسود
جهار مع دوسه 
الإتنين سوا .. إخوات
مسلم .. و قبطى 
بندق .. ويا مغات
و مصر دى امى 
و بينا محروسه ..!!

تلتقونى .. ماشى
فى كل عيد وحكاياته
فى رمضان .. مسحراتى
وصاحب ...عيال 
ماشى ورا صاجاته
بكحك و غريبة ..
و شريك و مين فاته
ف الغطاس .. يلتقينى
بسعف نخيل ..والقداس 
باكتب ف حكاياته ..!!

أنا المصرى ..
طول العمر .. شديد
فلاح .. زارع غيطانى
شامم نسيم العيد ..
على مدنة .. المسجد
و كنيسة .. مش عن عنيه
بعيد ..!!
هيفضل .. أسمه ع الورق مكتوب
شهادة ... ميلاده 
مصرى .. مسلم .. مسيحى
شموع فرح ليكى يا مصر
تملى تقيد
ف يوم فرح أو ف يوم العيد 
وفى المصايب تشوفى 
المسلم ف المسيحى عابط 
والكل جامعهم رابط 
وضغطهم من خوفهم عليكى 
هابط ..!!
هو اللى حبك يا مصر 
يفضل طول عمره ..
فى حضنك عابط ..!!
------------
معلم فحمه .....