نعمة الخيال
👀 العين اللي بتشوف… ولا المخ؟
بص يا سيدي 👇
العلم بيقول بوضوح:
إحنا بنِشوف بمخّنا… مش بعنينا.
الخيال واحد من أعظم الهدايا اللي بيملكها الإنسان ✨
بس خد بالك، زيه زي أي نعمة…
ممكن تبقى أداة بناء 🧱
وممكن تبقى سبب هدم 💣
طب إزاي؟ ⁉️
تعالى نحكيها بهدوء.
في تجربة علمية مشهورة 🧠
وصلوا أجهزة قياس بالمخ لشخص وهو بيتفرج على صورة، وسجلوا نشاط دماغه.
بعدها طلبوا منه يغمض عينه ويتخيل نفس الصورة.
النتيجة كانت صادمة 😮
نفس مناطق المخ اشتغلت تقريبًا في الحالتين.
ساعتها السؤال الحقيقي ظهر:
🤔 إحنا بنشوف بإيه؟
العلم الحديث بيأكد إننا ما بنشوفش بعنينا…إحنا بنشوف بمخّنا.
العين مجرد مستشعر ضوئي 👁️
تلقط الضوء وتحوله لإشارات كهربا ⚡
الإشارات دي تمشي في العصب البصري لحد متوصل القشرة البصرية في آخر المخ.
وهناك… بيحصل إيه؟ 🤔
🖌️ المخ يفك الشفرة ويرسم الصورة.
يعني ببساطة كده العين وسيط
والمخ هو الرسّام 🎨
طيب… والخيال؟ 🤯
في التخيل، المخ بيعمل نفس اللي بيعمله بالظبط في الرؤية، بس بدل ما البيانات جاية من العين، بتبقى جاية من الذاكرة أو الإرادة عن طريق الفص الجبهي.
علشان كده أجهزة الرنين المغناطيسي بتبين إن نفس المناطق البصرية بتنور في الحالتين 🔦
طيب إيه الفرق؟
👁️ الرؤية العادية تبدأ من برّه (العين).
🧠 الخيال يبدأ من جوّه (المخ).
لكن المفاجأة؟
المخ مش فارق معاه المصدر قوي.
هو بيتعامل مع الصورة الذهنية نفسها.
عالم الأعصاب أنيل سيث بيقول إن الرؤية في الأساس عملية توقّع 🔮
المخ ما يستناش الواقع يوصله كامل،
هو دايمًا بيتنبأ ويكمّل الصورة بناءً على خبراته السابقة
(وخلي بالك من النقطة دي خطيرة وعاوزة مقال لوحدها ).
🌴علشان كده، لو الخيال كان واضح وقوي، بيقدر يغيّر استجابة الجسم
وكيمياء المخ زي ما الواقع الحقيقي بيعمل بالظبط.
آه والله … زي ما بقولك كده 😌
وده مش كلام تنمية بشرية، ده علم.
🏃♂️ الرياضيين اللي بيتخيلوا الحركة بدقة أداؤهم بيتحسن فعليًا.
موو صلاح بيعمل كده 👀
🧩 إعادة تخيل أحداث مؤلمة بطريقة تصالحية بتخفف آثار الصدمة النفسية يعني بتعمل إعادة برمجة لذكرياتك السيئة.
🎯 وجود صورة ذهنية واضحة لهدف بيخلّي المخ يلاحظ فرص
ما كانش شايفها قبل كده.
مش لأن الكون بيتآمر 🌌
لكن لأن انتباهك اتعاد برمجته 🔁
الرؤية مش مجرد انعكاس ضوء.
الرؤية فعل إدراك... الرؤية إيه ⁉️
👈 الرؤية فعل إدراك وإنت بقيت واعي مدرك 💚
عشان كده وأنت من غير ما تحس،
بتبني عالمك الداخلي طول الوقت…
وجسمك ومشاعرك بيتعاملوا معاه كأنه حقيقة.
📜 يعني ببساطة..
من خلال الخيال تقدر تعمل منطقة آمنة جواك 🛡️
كل ما تحتاجها تستدعيها، فيعيش المخ حالة الأمان، والعصب الحائر يهدى، ووظايف جسمك تبدأ تتظبط.
السؤال هنا بقي مش
هل الخيال قوي للدرجة دي ؟
السؤال الحقيقي هو
❓ إنت هتستخدمه لصالحك…
ولا سايبه يشتغل ضدك؟
هتبقى السيد المراقب الواعي ولا شغال على طول على وضع الطيار الآلي ؟🤔
ليست هناك تعليقات: