الوثيقة رقم 84.. إرث إنساني عابر للأديان.
📝 في 29 يونيو 1933م كتب ثري من أثرياء مصر العصاميين وصيته..
ففي بداية الوصية كتب
"عملت هذه الوصية بمحض إرادتي.. ولا يمكن لأحد من ورثتي الشرعيين أو غيرهم أن يطعن على هذا العمل".
🔶 في الوصية دي حط شرط جزائي 10 ألاف جنيه ضد أي وراث يطعن في الوصية.. اتسجلت الوصية دي في سجلات البطريكية الأرثوذوكسية برقم 84.. فكانت إرث إنساني عابر للأديان.
لحد هنا عادي.. ثري كتب وصيته..
👈 بص 👀 يا سيدي إلى خلى للوصية دي خصوصية خلدتها في سجلات التاريخ إن الباشا صاحب الوصية هو بولس حنا باشا..الصعيدي العصامي..
بلغة اليوم رجل الأعمال والسياسي الوفدي البارز الي كان ساكن القصر الشهير في 104 شارع النيل وإلي هو مقر حزب الوفد حاليا...
✍️ طيب برده فين الموضوع؟
🟠 القصة يا سيدي إن الباشا ده عمل وصية خصص فيها جزء من تركته لعائلة مسلمة كانت شغالة معاه!
ايوة زي مبقولك كده..
وصى الباشا بصرف مرتب شهري ثابت لمحمود مساعده طوال فترة حياته.
كمان منساش ولاد محمود فوصى بإيداع مبالغ مالية لهم في البوسطة لتأمين مستقبلهم.
🕊️ من هنا كانت شهرة الوصية الي كشفت سلامة المجتمع في هذه المرحلة من الطائفية الى بتاكل فينا... بولس حنا باشا عامل محمود وأسرته زي ورثته الشرعيين في رسالة 💌 كتبت في التاريخ بحروف من نور..
رحم الله بولس حنا باشا ومحمود.
ليست هناك تعليقات: