سلسلة حلقات الصدمات وال PEAT

لما الجذر بيتغير.. كل حياتك بتتغير.

في كتير من الناس بيحسوا إن عندهم "عُقد" أو مشاعر متكررة مش عارفين يفسروها، زي مثلًا: دايمًا بحس إني مش كفاية، أو بحس بالذنب من غير سبب واضح، أو دايمًا عندي خوف من الرفض. المشاعر دي غالبًا بتكون مرتبطة بصدمات قديمة، ممكن من الطفولة أو حتى قبل كده.

مع تقنيات PEAT، بنبدأ نكشف المشاعر دي ونفك الشحنات اللي مربوطة بيها.

لما بتتفك، بتحصل لحظة كده من الهدوء والسكينة، كأنك كنت ماشي طول حياتك شايل شنطة تقيلة، وفجأة حد شالها عنك.

وكمان بتحس إنك بدأت ترجع لنفسك الحقيقية، من غير أقنعة ولا دفاعات. ده مش سحر، ده شغل عميق على المستوى الطاقي والنفسي، بيغير جذور الإحساس، مش بس شكله الخارجي.

ولما الجذر يتغير، كل حياتك بتتغير.

من الحاجات اللي بتلمسني قوي في شغلي مع تقنيات PEAT، هي اللحظة اللي الشخص بيكتشف فيها إن هو مش مشاعره.!

يعني إيه؟

يعني الشخص اللي عاش طول عمره حاسس إنه "ضعيف" أو "فاشل"، بيكتشف فجأة إن الإحساس ده مش هو، ده مجرد شعور مترسب من موقف قديم، ومش حقيقته أبدا.

ولما بيتحرر الشعور ده، بيظهر وعي مختلف تمامًا، إحساس بالذات أقوى، وهدوء داخلي مايتوصفش. ده اللي بنسميه "الوصول للحالة المحايدة" في PEAT، وهي حالة مشاعرية مفيهاش شحن، مفيهاش مقاومة، بس فيها سلام

الشخص بيبقى واعي، حاضر، وحر. ودي من أجمل اللحظات اللي بشهدها مع الناس. لأنك لما توصل للنقطة دي، بتبقى انت حر من سجن الماضي، وتقدر تبدأ من جديد، بطاقة نقية.

التقنية مش بس بتشيل الألم، دي كمان بتكشفلك أنت مين بجد تحت كل الطبقات.

تحرير المشاعر هو الطريق إلى السلام النفسي الداخلي

أوقات كتير، الصدمة بتكون جاية من حاجة إحنا ماخدناش بالنا منها أصلًا. ممكن تبقى كلمة جارحة من حد في وقت حساس، أو موقف حصل وإنت صغير ومحدش شرحلك معناه، فدماغك سجله كخطر. وده بيأثر عليك بعد كده من غير ما تحس. تلاقي نفسك بتخاف من المواجهة، أو بتحس إنك مش مرغوب، أو بتتجنب العلاقات. ودي كلها ردود فعل لصدمات قديمة لسه مأثرة في طاقتك الداخلية.

الجميل في PEAT إنك مش محتاج تفتكر كل حاجة بالتفصيل، لأن التقنية بتشتغل مع الشعور نفسه، والمشاعر دايمًا عارفة طريقها. مجرد ما نفتح مساحة آمنة للشعور، بنقدر نخليه يطلع، ونتحرر منه بهدوء. وكل ما نحرر طبقة، بنقرب أكتر من حقيقتنا، ومن السلام اللي جوانا. الشفاء بيحصل على طبقات، وكل طبقة هي نعمة وخطوة حقيقية.

د. عاطف عتمان - هوليستك هيلث كوتش ومعالج شعوري بتقنيات PEAT.

احجز جلستك الآن...واتس 01006809464