داب الحرف ..بقلم الشاعر رضا أبو الغيط

داب الحرف

فوق الشفايف

وعين حبيبى

للحرف شايف

آه من جمالها

جمال الشايف

لما بتهمس

بحروف العواطف

بحبه وحاسس

انى حبيبى

لشوقى اليه

حاسس وعارف

بحبه كلام

بحبه سكات

بحبه ثوانى

بحبه دقايق

بحبه ساعات

وحالف أحبه

وأخلص لحبه

لبعد الممات

ف حبه بعيش

وغيره ماليش

ف حبه بطير

من غير جناح

ولا حتى ريش

بحبه بخاطرى

مش غصب عنى

وبكتب خواطرى

ف حبه بغنى

ف قربه بحس

بحس بحاجات

شدانى اليه

كده من سكات

وف بعد حبيبى

تبكى عيونى

وتصرخ آهات

بحبه بحبه

حبيبى بحبه

أنا من سكات

رضا أبو الغيط