بلاش نكتب ......ولا نقرا..بقلم رضا أبو الغيط المحامى

بلاش نكتب ......ولا نقرا

أصل القلم.......... انكسر

أصل الكتاب......... اتقفل

والقلب أصبح ........حجر

والعقل منى .........فصل

******************

نكتب ونفرا............. ايه

واحنا فى زمان....... الغجر

سرقه........... باسم الدين

ونصب.......... باسم الدين

وقتل .............باسم الدين

وشيخ............. بدينه غدر

نكتب ونفرا.............. ايه

ردوا عليا ..............يا بشر

*****************

نقرا ونكتب............... ايه

نكتب............. على الكداب

ولا ...............على الارهاب

ولا .................على قاضى

ميزان .............عدالته خاب

نقرا ونكتب................ ايه

دلونى............... يا أصحاب

*****************

نكتب........ على اللى مال

ولا .................عبيد المال

نكتب ..............بخط القلم

ولا................. بلون العلم

ولا ...................بدم عيال

نقرا ونكتب................ ايه

رد عليا................. يا خال

******************

نكتب ...............على جيشنا

ولا ...................على عيشنا

نكتب .................على بحرى

ولا ....................على دِشنا

نكتب....................... بحريه

ولا حد .................هيحشنا

******************

نكتب ....................بقى ألغاز

ولا ..................على البوتجاز

ولا .....................طابور الجاز

نكتب على......... اللى انهزم

ولا ................على اللى فاز

ماهى................ الحياه ألغاز

******************

بلاش .........نكتب ولا نقرا

أصل. القلم ..............انكسر

أصل الكتاب............ اتقفل

والقلب أصبح............ حجر

والعقل منى............... فصل

رضا أبو الغيط المحامى