نناقش لنرتقى ونلتقى فى حب الله ثم الحق والوطن..بقلم د شهيرة عبدالهادى

د.شهيرة عبد الهادي
الأسكندرية 
26/7/2012
إحنا شعب غلبان .. وصدقوني مش حناخد النيشان .. لأن النيشان خدوه اللي خططوا له من قبل الزمان بزمان .. وحصل اللي حصل واللي كان كان .. نفسي لما نيجي نتناقش مع بعض نتناقش بموضوعية وحيادية وعلم وفهم تمام .. كده حنتعلم من بعض و يمكن نحب بعض كمان .. لأ بالتأكيد حنحب بعض وبزيادة كمان .. مش كفاية إن احنا بنجاهد عشان نفهم اللي بيحصل في كل ميدان .. في السياسة في الاقتصاد في الصحة في البيئة في التعليم وفي علوم الإنسان .. وكفاية اللي عاملينوا فينا أهل السياسة اللي ودونا في خبر كان .. خلونا مش فاهمين حاجة في أي حاجة من كتر ما عيشونا في حالة من التوهان .. وحاطين لينا القنابل الموقوتة في كل مكان .. في العقل في الفكر في التاريخ في العواطف حتى في الإحسان .. واعتيروا عقولنا مُعيبة لا لها قدرة على التفكير ولا الإمعان .. وان احنا شعب غبي قووي ومن زمان .. بيرسموا الخريطة واحنا ملناش مكان فيها وكأن البلد مش بلدنا مع أن كل واحد فينا إنسان .. إنسان جميل صبور مثابر وفنان .. إذا ما ثار حيحطم كل الخطط وحيتخطى الزمان بزمان .. واسألوا التاريخ القريب والبعيد حيقولك حصل أيوه حصل يا إنسان .. ما هو الغلبان مش حيدنوا طول عمره غلبان .. وعشان كده لازم نعلّم بعض ونتعلّم من بعض ونتناقش بهدوء وبحب كمان .. ونتوحد عشان نقول على نفسنا في جميع الأحوال إحنا كيان .. أيوه إحنا كيان .. وفي الحالة دي بس حناخد النيشان ..
--------------------