مساحة إعلانية

اتذوقي يا مصر والبسي الطرحة

عاطف عبدالعزيز عتمان مايو 23, 2012
اتذوقي يا مصر والبسي الطرحة

ــــــــــــــــــــــــــ
ــــــــــــــــــــــــــــــ

اتذوقي يا مصر وألبسي الطرحة

اتجملي بالنصر بالزينة بالفرحة


واتبسمي للطبل الليلة في الحنة


واتحملي للفجر جاية أهو الخطوة



وادعي وقولي يا رب من القلب يا وطنا


ميكونش عريسي حد ميصونش آمالنا


ولا يخونش يوم العهد ولا يبعش أحلامنا


ميعش لنفسه بس يبني لأولادنا



إنتي الجميلة وكتروا خطابها


وعمامك وخيالنك محتارين بينا


وحتى أجدادك جيرتك وخلانك


وكل أصاحبك بيقولوا مين إنت ؟؟


ياللي تبقي لمصر... الليلة دي عريسها


مين اللي يستاهل مين اللي عاش صابر


مين اللي طول العصر يتمني يسعدها



حاسب ياللي أنت لمصر ولي كلمتها


يعني خليك بجد أنعم بوالدها


بعد ما عاشت أم تربي في ولدها


أديك كبرت فقم وكن لها سندها


وإن مكنش عريس يسر قلبها إبعدها


عن كل وأي غم احميها وأنصرها




ويا رب يطلع فجرها بعد ما طال ليلها


ويا رب تيجي شمسها والطير يغنلها


ويا رب تجبر صبرها وتحلي أخرتها


ويدوم السعد يكونلها قدرها نصيبها



ــــــــــــــــــــــــــ
ـــــــــــــــــــــــــــــــــــــــــــ

23_5_2012


الموافق اليوم الأول من عرس الإنتخابات الرئاسية الأول بعد الثورة


كلمات أختكم الشاعرة فارسة عربية \ داليا الحسيني

مشاركة
مواضيع مقترحة

ليست هناك تعليقات:

جميع الحقوق محفوظة لــ واحة الأريام