إصحى يامصر.. بقلم شريان النيل النابض..الشاعرة فاطمة المرسى

هذه الكلمات الذهبية وتلك المعانى النقية خطتها أنامل مصرية هى كلمات للمبدعة ولشريان النيل النابض كما يحلو لى تلقيبها الشاعرة فاطمة المرسى

إصحي يامصر
...................
يااااااااااااااااااااامصر
إصحي وصحصحي
فُوقي بقى من النوم

مالك كده بتترنَّحي
ياسفينه رافضه العوم
ياناسيه أحلام الصبا
غرقانه فى بحور الوبا
ضاعت سنين الطبطبه
وسماكي فيها غيوم
عودي لتاريخك فكَّري
إيدك فى إيدنا وشمَّري
سوا نبتدي من اليوم
حملك تقيل يلا انهضي
عدِّي بنا الزمن الردي
والهم عنِّك فضفضي
يا سفينه شايله هُموم
الصبح نصحى من الأذان
ونلف على كل الغيضان
نزرع شجر يطرح أمان
مافيهوش مكان للبوم
يامصر نيلك دمِّنا
يروي وريدك حلْمِنا
يطرح آدان ويلمِّنا
وقت الصَلاه والصوم
يامصر قومي وصبَّحي
ياورده عودي وفتّحي
بعيون سنابلك تفرحي
والفرح فيكي يدوووم
فُوقي بقى من النوم
.....................
فاطمة المرسي